सनसाइन बचत तथा ऋण सहकारी संस्था लि.को सहकारी शिक्षा तथा सदस्य भेटघाट कार्यक्रम पोखरा–१६, ढिकिडाँडा, कास्कीमा सम्पन्न भएको छ । संस्थाका अध्यक्ष श्री अग्निप्रसाद कँडेलको अध्यक्षतामा सम्पन्न उक्त कार्यक्रममा कार्यक्रम संयोजक श्री नरेन्द्र मित्रकोटीज्यूले स्वागत मन्तव्य साथै कार्यक्रमको उद्धेश्यमाथि प्रकाश पार्नुभएको थियो । संस्थाका कोषाध्यक्ष श्री नेत्रलाल भण्डारीले संस्थाका वित्तिय गतिविधि सम्बन्धमा जानकारी गराउनुभयो । संस्थाका सचिव श्री नवराज अधिकारीले संस्थाको समग्र अवस्था तथा भावि योजना सम्बन्धमा जानकारी सहित कार्यक्रम सञ्चालन गर्नुभएको थियो । सम्पूर्ण शेयर सदस्यज्यूहरुको निरन्तर साथ, सहयोग बाट नै सनसाइन साकोस, कास्की जिल्ला बचत तथा ऋण सहकारी संघको वार्षिक साधारण सभाको अवसरमा “बखान सहकारी अवार्ड २०८०” बाट सम्मानित हुन सफल भएको भन्दै सो कार्यमा निरन्तर लाग्नुहुने सम्पूर्णमा धन्यवाद सहित अध्यक्षज्यूले कार्यक्रम समापन गर्नूभएको थियो । उक्त कार्यक्रममा १२६ जना शेयर सदस्यहरुको सहभागिता रहेको थियो ।
