सनसाइन बचत तथा ऋण सहकारी संस्थाको आयोजना तथा नेफ्स्कुनको प्राविधिक सहयोगमा २०७९ असार १८ गतेबाट रोयल दिदी बहिनी किचन पोखरा–१० बुद्धचोकमा दुइ दिवसिय “सञ्चालकहरुको क्षमता विकास आधारभुत तालिम” (BoD CAPACITY ENHANCEMENT TRAINING) संस्थाका अध्यक्ष श्री अग्नि प्रसाद कडेलको अध्यक्षतामा सम्पन्न भएकाे छ । कार्यक्रमको प्रमुख अतिथि नेफ्स्कुन सञ्चालक श्री कमला देवी गिरीले उक्त तालिमको उद्घाटन गर्नुभएको थियो । नेफ्स्कुन अनुगमन अधिकृत श्री सूर्यप्रसाद तिमल्सिनाको आतिथ्यता रहेको उक्त तालिममा प्रशिक्षक तथा सहजकर्ता नेफ्स्कुन तालिम अधिकृत श्री उमेश कोइरालाले प्रशिक्षण गर्नुभएको थियो । त्यस्तै संस्थाका उपाध्यक्ष श्री नरेन्द्र मित्रकोटीले स्वागत मन्तव्य राख्नुभएको उक्त कार्यक्रम संस्थाका सचिव श्री नवराज अधिकारीले सञ्चालन गर्नुभएको थियो । संस्थाको सञ्चालक समिति, आन्तरिक लेखा सुपरिवेक्षण समिति तथा उच्च व्यवस्थापनको सक्रिय सहभागीता रहेको उक्त कार्यक्रम मिति २०७८ असार १८–१९ गतेसम्म दुई दिन सञ्चालन भएकाे थियाे ।
